bent elislam
السلام عليكم ورحمه الله وبركاته
اهلا ومرحبا بكم فى.......منتدى روز منتدى مسلم
نرجو ان تدخل المنتدى ونتشرف بدعوتك معنا
فنرجومنك إن كنت زائر أوصل كده لحد باب المنتدى وسجل عشان نتشرف
بعضويتك ولك منا جزيل الشكر


(منتدى لأحلى شباب وبنات المنصوره ومصر كلها)
 
الرئيسيةاليوميةمكتبة الصورس .و .جبحـثالأعضاءالتسجيلدخول
مرحبا بجميع اعضاء المنتدى اهلا وسهلا بكم ..............فى منتدى روز منتدى مسلم فى هذا المنتدى كلنا عائله واحده
HTML
نوفمبر 2017
الإثنينالثلاثاءالأربعاءالخميسالجمعةالسبتالأحد
  12345
6789101112
13141516171819
20212223242526
27282930   
اليوميةاليومية
أفضل 10 أعضاء في هذا المنتدى
بنت الاسلام
 
ممدوح السروى
 
bero
 
نور
 
نور الايمان
 
محمد سعيد
 
ام معاذ
 
hamza
 
esamm2
 
قلب طيب
 
المواضيع الأخيرة
» نبات السعد
الإثنين مارس 27, 2017 10:52 pm من طرف بنت الاسلام

» أسباب ثقل الجهاز+ الحلول مع معلومات تهمك ( بدون برامج )
الجمعة أكتوبر 11, 2013 2:52 pm من طرف bero

» اذكار الصباح والمساء
الخميس أغسطس 08, 2013 2:35 am من طرف بنت الاسلام

» ماهو الفرق بين المغفرة والعفو ؟؟ فى (اللهم انك عفو تحب العفو فااعفو عنا )
الخميس أغسطس 01, 2013 1:38 am من طرف بنت الاسلام

» من تربية الله لك ؟؟
الخميس أغسطس 01, 2013 1:37 am من طرف بنت الاسلام

» مقتطفات اعجبتنى
الثلاثاء يوليو 16, 2013 2:55 pm من طرف بنت الاسلام

» قصه قلم رصاص .... بقلم باولوكويليو
الإثنين يوليو 15, 2013 3:47 pm من طرف بنت الاسلام

» لكل من يريد تقوية مستواه فى اللغه الانجليزيه
الثلاثاء مارس 12, 2013 5:20 pm من طرف بنت الاسلام

» تعلم المحادثة الانجليزية: موقف الحافلات
الأحد مارس 10, 2013 8:20 pm من طرف بنت الاسلام

بحـث
 
 

نتائج البحث
 
Rechercher بحث متقدم


شاطر | 
 

 أشهر طرق لعمل كحك وبسكويت العيد...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بنت الاسلام
( آ‘ميـــــرٍة المـــوقـــع)
( آ‘ميـــــرٍة المـــوقـــع)
avatar


مُساهمةموضوع: أشهر طرق لعمل كحك وبسكويت العيد...   السبت سبتمبر 12, 2009 6:07 pm

أشهر الطرق لعمل كحك وبسكويت العيد
كل سنة وإنتم طيبين.. كلها كام يوم وييجي العيد،
وأكيد الفترة دي بيحلى فيها تجمع الأسرة والعيلة في البيت لعمل الكعك والبسكويت والغُريبة والبيتي فور، وغيرها من الحلويات الجميلة اللي بتميز الأيام الجميلة دي، واللي الواحد بيستناها من السنة للسنة..
وعلشان كده انا قررت أني اقدم لك ملف كامل جمعت فيه أحسن الطرق لعمل الكعك والبسكويت والبيتي فور؛ علشان تعملي في البيت وإنتِ ضامنة إن النتيجة مية مية على ضمانة شوشو الشقية
موافقين..
نشوف الملف ده مع بعض
كحك العيد بالبيكنج بودر


المقادير‏:

• 1‏ كيلو دقيق‏ (8 أكواب متوسطة دقيق منخول‏)
• 3‏ أكواب زبد‏
• 1‏ كوب لبن‏
• ملعقة صغيرة بيكنج بودر
• ‏ذرة ملح‏
• 2‏ ملعقة صغيرة ريحة كحك
• 2‏ ملعقة كبيرة سمسم محمص

للحشو‏:

عجمية أو ملبن
مكسرات محمصة ومجروشة‏ (‏بندق-‏ عين الجمل‏)‏

الطريقة‏:‏

1. اضربي الزبدة بالمضرب الكهربائي أو في العجان لغاية ما تنعم وبعدين حطي اللبن واستمري في الخفق لغاية ما تلاقي الخليط متجانس‏.‏

2. حطي ‏6‏ كوبايات دقيق في طبق العجن وضيفي لهم البيكنج بودر والملح ورشي فوقهم السمسم وريحة الكعك‏.‏

3. ‏‏صبي فوقهم اللبن بس بالتدريج واعجني ده كله مع بعض لغاية ما تلاقي العجينة مابتلزقش في إيدك وتكون سهلة التشكيل ولو حسيتِ إن العجينة محتاجة شوية دقيق حطي باقي الدقيق بس خلي بالك بالتدريج‏.‏

4. قطعي العجينة كور صغيرة وافرديها على إيدك وانقشيها بالمنقاش بس تراعي إنك ماتضغطيش على الكحكاية بإيدك.

5. دي كانت طريقة الكحك السادة لو عاوزة الكحك محشي قومي بنفس الخطوات اللي فاتت بس قبل ما تنقشي خدي كورة من العجين واحشيها باللي إنتِ عاوزاه سواء ملبن أو عجمية.

6. رصي الكحك في صاجات بعد دهن الصاج بالسمنة وراعي إنك تسيبي مسافة بين كل واحدة والتانية، وسخني الفرن واظبطيه على درجة حرارة متوسطة، وبعد فترة دخلي الصاج الفرن لغاية ما الكحك يتحول للون الدهبي.

7. شيليه من الصاجات وسيبيه لغاية لما يبرد ورصيه في علب ورشيه بالسكر البودرة لما تيجي تقدميه‏.‏
وبالهنا والشفا
البسكويت

لعمل الكعك والبسكويت والغُريبة والبيتي فور، وغيرها من الحلويات الجميلة

البسكويت بالذات كذا نوع، فيه اللي بالنشادر واللي بجوز الهند واللي بالقرفة واللي واللي.. وعلشان كده احنا اخترنا لك كام نوع سهلين في العمايل.

بسكويت النشادر

المقادير:
• كيلو دقيق منخول
• كوباية سمن
• 2 1/ 2 كوباية سكر بودرة
• 5 بيضات
• كوباية لبن
• ملعقة كبيرة نشادر
• فانيليا.

الطريقة:

1. اضربي السمن مع السكر لغاية الخليط ما يبقى زي الكريمة.

2. اضربي البيض مع الفانيليا كويس لغاية ما الخليط يبقى غليظ وبعدين ضيفي السكر والسمن للخليط مع الاستمرار في الخفق لغاية ما يتجانس.

3. تذاب النشادر في نصف كوباية لبن وضيفيه للخليط السابق.

4. ضيفي الدقيق بالتدريج بالتبادل مع اللبن لغاية ما تلاقي العجينة سهلة في التشكيل.

5. تشكل العجينة حسب الرغبة إما بماكينة البسكويت أو تقطع بالقطاعة، ثم ترص الوحدات في صاجات مدهونة بالزيت على مسافات متباعدة علشان مايلزقش.

6. اظبطي الفرن على درجة حرارة متوسطة ولما يسخن حطي الصاجات في الفرن.

7. ارفعي البسكويت من الصاجات وسيبيه لغاية ما يبرد خالص وبعدين رصيه في علبة.

ملحوظة: لو عاوزة يبقى بطعم القرفة أو البرتقال ضيفي للعجينة ملعقتين قرفة أو كوباية عصير برتقال.


بسكويت جوز الهند

المقادير:

• 2 كوباية دقيق
• 4/3 كوباية زبدة
• 1/2 كوباية سكر بودرة ‏
• 1‏ بيضة
• ‏ فانيليا
• ‏1‏ صفار بيضة‏
• ‏ كوب جوز هند ناعم‏
• ‏ذرة ملح‏
• 1‏ ملعقة صغيرة بيكنج بودر
• ‏2‏ ملعقة كبيرة لبن حسب الحاجة‏

لدهان الوجه‏:‏
بيضة مخفوقة مع فانيليا‏.‏

الطريقة‏:‏

1. اضربي الزبدة مع السكر لغاية ما تبقى زي الكريمة‏.‏

2. اضربي البيضة وصفار البيضة بالشوكة وضيفيهم للخليط السابق‏.

3. اخلطي الدقيق مع البيكنج بودر والملح وجوز الهند وحطي الخليط ده على المقدار السابق واعجنيهم لغاية ما العجينة تبقى سهلة ويمكن تشكيلها‏.‏

4. ممكن إنك تحطي 2‏ ملعقة كبيرة من اللبن إذا كانت العجينة يابسة (ناشفة وإنت مش عارفة تشكليها).‏.‏

5. ممكن إنك تشكلي العجينة حسب ما إنت عايزة إما بماكينة البسكويت أو بالقطاعة‏.‏

6. ‏رصي قطع البسكويت في صينية على مسافات متباعدة ويدهن الوجه بالبيضة المخفوقة مع الفانيليا‏ وسخني الفرن في درجة حرارة متوسطة، وبعد فترة دخلي البسكويت ‏واتركيه لغاية ما لونه يبقى دهبي.

7. شيليه من الصاج وهو سخن وسيبيه لغاية ما يبرد ورصيه في علب.

وبالهنا والشفا

_________________
علمتنى الصداقة أنها أجمل علاقه وعلمنى الحب ألا أكره من أحب وعلمنى الزمن أن المشاعر لاتقدر بثمن
وأن هناك أنسان لايستحق النسيان

ولابد ان يعلم الانسان ان ما اخذه الله لحكمته و ما ابقاه الله لرحمته ولن يضيع المؤمن بين حكمه الله
ورحمتها

لا تــحــزن عـلى مـا فـي
الـحـيـاة فما خُلقنا فيها إلا لنُمتحن ونُبتلى حتى يرانـا الله .. هـل نـصـبـر ؟؟؟
لـذلـك .. هـون عليك .. ولا تـتكدر وتـأكـد .. بـأن الــفــرج قـــريـــب ...فإذا
اشتد سواد السحب فعما قليل ستمطر

لاتحـــــــزن ...إذا منع الله عنك شيئـاًً تحبه فلو علمت كيف يدبر الله أمورك لذاب قلبك من محبته


الرجوع الى أعلى الصفحة اذهب الى الأسفل
ام مدثر
عــضـــو مــشـــأرك
عــضـــو مــشـــأرك
avatar


مُساهمةموضوع: رد: أشهر طرق لعمل كحك وبسكويت العيد...   الإثنين نوفمبر 30, 2009 12:40 am

مشااااااااااااااااااااااااااء الله
كل سنة وانتى طيبة بقة
الرجوع الى أعلى الصفحة اذهب الى الأسفل
 
أشهر طرق لعمل كحك وبسكويت العيد...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
bent elislam :: اقســـــ حـــــواء ـــــــام :: فــنــون الــطــبــخ-
انتقل الى: